Utitiri wa Safari za Rais William Ruto kwenda nje ya nchi umekuwa gumzo
kubwa nchini Kenya. Vyombo vya habari vyenye ushawishi na hadhira kubwa kama vile gazeti la The Standard la tarehe 7 Mwezi Juni likionyesha kuwa gharama za juu za ndege za kukodi na bajeti kubwa ya safari zimeibua utata mkubwa kwa wananchi, hasa nyakati za ukali wa maisha.Je, safari za Rais zinaleta hasara kuliko faida? Nini ukweli halisi?Kuhusu faida dhidi ya hasara, ni mtazamo unaogawanya wengi. Upande wa serikali unasisitiza kuwa safari hizi huleta uwekezaji mkubwa, mikataba ya kibiashara, na nafasi za ajira ng'ambo. Hata hivyo,
Gazeti la The Standard pamoja na wakosoaji wengine wanahoji kuwa matumizi makubwa ya fedha za umma yanayotumika kulipia ndege hizo yanawapa mzigo mkubwa walipa kodi.Kwanini Rais anatumia ndege za kukodi?Serikali mara kwa mara imekuwa ikieleza kuwa ndege rasmi ya Rais ("Harambee One") imekuwa ikikabiliwa na changamoto za kiufundi au matengenezo, hivyo kumlazimu kutumia ndege binafsi za kukodi kuendeleza shughuli za kiserikali bila kukwamishwa na usafiri.
Kwanini asitumie ndege za Kenya Airways (KQ)?Wakati wa ziara yake nchini Marekani, Rais alijitetea kuwa kukodi ndege maalum kulikuwa nafuu kuliko kutumia Kenya Airways. Kulingana na maelezo ya serikali nyakati fulani, gharama za kupangisha ndege ya abiria ya kawaida kwa ajili ya ujumbe mzima wa Rais mara nyingi huwa juu zaidi kuliko kukodi ndege ya kibinafsi (private jet) kulingana na umbali na ratiba.
Kwanini safari zimeongezeka hivi karibuni? Nini malengo?Safari za Rais William Ruto zimekuwa nyingi ili kujenga ushirikiano wa kimataifa na kuvutia wawekezaji, hasa katika kipindi ambacho nchi inatafuta masoko ya bidhaa zake (kama chai) na nafasi za ajira kwa vijana. Lengo ni kuitangaza Kenya na kufungua milango ya kiuchumi.
Je, safari hizi ni za mwaliko au za kutengeneza mwenyewe? Safari hizi ni mchanganyiko wa mwaliko rasmi kutoka kwa mashirika ya kimataifa, viongozi wengine wa nchi au mikutano mikuu ya kiuchumi na mazingira, pamoja na ziara za kiserikali ambazo serikali ya Kenya huandaa yenyewe ili kutafuta mikataba ya kibiashara.
Je, ni kweli alisafiri mara 62 kwenda nchi 38 katika mwaka wa kwanza tu ofisini?Rekodi zinaonesha kuwa kwa muda wa miezi 20 ya kwanza tangu aingie madarakani, Rais alifanya safari 62 hadi nchi 38. Takwimu hizi ziliripotiwa na vyombo vikubwa vya habari nchini kama Nation Africa na The Standard, ingawa ripoti hizi zikionesha zilikuwa za miezi 20 na sio mwaka wa kwanza pekee.
Kwanini faida ya safari haionekani kwa mwananchi wa kawaida? Mwananchi wa kawaida anahisi hasara kwa sababu anaona mamilioni ya fedha za umma yakitumika. Athari za mikataba ya kibiashara na uwekezaji wa kimataifa huwa huchukua muda mrefu (miezi au miaka) kabla ya kuanza kuzalisha ajira au kuboresha uchumi wa mtu mmoja-mmoja, jambo linalofanya matokeo yawe magumu kuonekana haraka.
Ikiwa safari hizi za Rais ni zenye matokeo chanya kwa Wananchi ni swala la muda japo hadi kufikia sasa hakuna dalili zinazonyesha kwamba Kuna faida kwa mkenya wa kawaida kutokana na kuishi angani kwa Rais Ruto tangu mwanzo wa uongozi wake.