Cha kuweka kituo chenye Utata cha karantini ya Ebola. Jamhuri ya Kidemokrasia ya Kongo (DRC) inapakana na nchi tisa (9): Angola, Burundi, Jamhuri ya Afrika ya Kati (CAR), Jamhuri ya Kongo (Congo-Brazzaville), Rwanda, Sudan Kusini, Tanzania, Uganda, na Zambia.
Nchi hizi zote zimekuwa zikiongeza mikakati ya tahadhari, ufuatiliaji, na vipimo mipakani kutokana na mlipuko wa Ebola.Hata hivyo, miongoni mwa nchi hizi zote za karibu, ni Kenya ndiyo iliyopokea ufadhili maalum wa kifedha kutoka Marekani (dola milioni 13.5) na kuibua mzozo kuhusu ujenzi wa kituo cha karantini na uangalizi wa wagonjwa wa Ebola (kituo kilichoko katika Kambi ya Kijeshi ya Laikipia).
Serikali ya Marekani na Kenya zimelinda mpango huu kwa sababu zifuatazo:
Eneo Maalum la Usafirishaji (Logistics Hub):
Marekani inataka kituo hiki kiwe ngome ya kikanda (regional hub) ili kuwahifadhi na kuwatibia raia wake, wafanyakazi wa afya, na wanajeshi wanaoweza kuambukizwa wakiwa kazini DRC au Uganda.
Uwezo wa Kimatibabu na Kisiasa:
Marekani na mashirika mengine yanashikilia kuwa itakuwa rahisi zaidi kuwasafirisha Wamarekani hao hadi Kenya iliyo karibu kwa matibabu ya karantini ya lazima ya siku 21, badala ya safari ndefu ya ndege hadi Marekani au Ulaya.
Uhuru wa Kibinadamu na Uhusiano Mwema:
Rais wa Kenya, William Ruto, amesema kukataa ombi la Marekani la kujenga kituo hicho kwa gharama zao wenyewe kugekuwa kinyume na ubinadamu na kukosa fadhila kwa ushirikiano wa marekani wa muda mrefu kwenye sekta za kiafya na usalama wa miaka 25-30.
Kwa nini ujenzi haukufanywa kule ugonjwa uliporipuka? Tangu mlipuko uliporipuka mashariki mwa DRC na baadhi ya maeneo ya Uganda, hali ya usalama na uhaba wa miundombinu imekuwa changamoto kubwa sana. Marekani iliona kuwa kujenga kituo chenye kiwango cha juu cha uthibiti wa kibiolojia (biocontainment units) katikati ya eneo la vita na misukosuko kungeongeza hatari zaidi na kungekuwa ngumu kusimamiwa kuliko kukijenga kwenye eneo thabiti na salama kama nchini Kenya.
Kwa nini hawakuchagua nchi nyingine tofauti? Kenya imechaguliwa kwa sababu ya ukaribu wake na kitovu cha mlipuko wa Afrika Mashariki na uwezo wa miundombinu ya viwanja vya ndege inayorahisisha usafiri wa dharura wa masuala ya afya.
Aidha, Kenya ina ushirikiano imara wa muda mrefu na Marekani katika masuala ya ulinzi na afya kupitia mashirika kama vile CDC, mambo ambayo yanatoa uhakika wa ulinzi wa kituo husika cha kijeshi.
Hata hivyo, mpango huu unakabiliwa na upinzani mkubwa kutoka kwa wananchi Wanaharakati na wataalamu wa afya nchini Kenya wanaohoji ni kwa nini nchi isiyo na kisa chochote cha ugonjwa huo iwekwe kwenye hatari ya kupokea wagonjwa kutoka nje, na kwamba kuna haja ya kutilia mkazo uwekezaji wa moja kwa moja ndani ya nchi zilizoathirika.